10.09.2007 - (Sindni) Atand po voir kom i di, mé le zès lé bon ... in vré zournal dan nout lang su "Télé Réunion" tou lé soir sof lo samdi dimans, sé sat lé anonsé po asoir !
04.09.07 - (Sindni) In Gran Konférans Interna-
sional su la sékirité dan band lavion, la rouver Sindni, dopié yèr matin, dann gran batiman Konsey Rézional.
03.09.07 - (Akra) Lané prosinn la koup foutbol dafrik band nasion va spas dan péi Gana. 47 lékip po 16 plas, lo band dernié rankont po kalifié lo band lékip po la koup 2008, i fé samdi.
02.09.07 - (Sindni) Kom dan lo tan, po larzan la tir su rmi band rénioné po band lozman ... zordi sé su band biyé lavion gouvernman fransé i rod fé lo minm zafer. Léta fransé i doi Larénion plis 18 miliyon €
31.08.07 - (Sinzil) Magré toutsat lariv anou dopi in pe tan, band touris i roviyn dousman dousman ... po mont aou i rokomans èt rantab kom i di, yèr na in gran patron i sort déor, la mèt la min su 2 gran lotèl Sinzil.
30.08.07 - (Sinzil) Lofis la Lang Kréol Larénion, la organiz in gran kozman dosi band lang rézional, su lo kréol dann zournal, dann radio, dann télé, su lo web.
28.08.07 - (Sinzil) Promié sobatkoz su band NTIC "11ème UCOI" dan in gran lotèl Sinzil. Domoun i sort in pe partou dan band péi déor la dnu rant dann ron po kozé é po mèt ansanm !
24.08.07 - (Sinpir) La ter Larénion la bouzé, la bouzé for minm dann lèr 3 zèr laprémidi. Domoun la gingn la pèr é la pa arèt apèl in pe partou su tout band radio.
20.08.07 - (Tana) Lo 7 tiynm ze band zil loséan indiyn lé fini, Larénion la biyn mèt nout band kouler anler, mé sé Madagaskar ek son paké méday lor i rotrouv ali, promié dann klasman. Dann 4 tran, tout band ga loséan indiyn va artrouv azot laba Sésèl.
03.07.07 - (Akra) Sé zordi la fini lo 9 viynm Gran sobatkoz ant tout band péi Lafrik ek loséan indiyn, dann péi Gana. Tout band péi té la, la koz ansanm po voir koman mèt an plas in sistinm po donn in pouvoir podvré a se gran Lorganizasion.
27.02.07 - (Sinlui) Siklonn Gamèd i sava, lu la fé 2 mor, na 90 moun blésé. Le plis déga li la fé sé su band somin. Sinlui sé lo pon la rivièr sintétiynn - ek tout la pli la tomb dan léo - la fini par shap ater.
EK TOUT BAND MARONER
LA LEV LO DRAPO
NOUT NASION
LE MOR ZORDI
DAN LER GRANMATIN
12.06.08 - (WZ) Serge sinamalé lavé près 70 zan talèr ... dan zané 70, lu lavé mèt dobout locmlr (in vré lorganizasion kominis révolisionèr) po batay po lindépandans nout péi. Sé li, lavé mèt dobout lo zournal "Lindépandans ek libèrté". Dan zané 80 lu lavé mèt dobout ek son band dalon, in not lorganizasion, lo MIR (Mouvman pou lindépandans Larénion). Larénion i perd in dalon.
NOU VE TRAVAY
DAN NOUT PEI !
17.04.08 - (WZ) Na poin riynk band moun lé atèr i gingn pa travay. In band moun na diplom gabié, la mèt an plas in "Groupe d'Action Réunionnais" po dénons lo zafèr é trouv solision po zot travay Larénion minm.
I VE ANPES
ANIEL BOYER TRAVAY
12.06.08 - (WZ) Dopi "Gamède" dopi lo pon la "rivière saint-étienne" la shap atèr, léta fransé lé an trin rod in koupab ... Aniel BOYER (Nasion rénioné) sé lo boug i fo trapé ... i fo pi li tir ros dan fon la ravinn ... sé li lotèr si lo pon la shapé ... alé prouvé. Sé pa posa, léta fransé i larg lo kor, zordi zot i ve anpès nout dalon gingn son bousé manzé ! Granmatin, lo zafèr la pa gingn pasé tribinal Sinpir, son lavoka té pri ek in not zafèr Sindni lo minm zour. Prokirèr ek Prézidan tribinal léta fransé, lo romèt sa, po lo 20 novanm.
10.04.08 - (WZ) Lo 10 avril 1668, in promié fanm, in promié rénioné lé né, dan kartier la Grande Fontaine Sinpol. Nasion rénioné ek de troi dalon, la fé in souvenans po tir 340 tan, nout listoir dan fénoir.
14.06.08 - (WZ) Dopi in bon bout tan, tout band nasionalis rénioné, té an trin mazinn in vré drapo pou nout nasion. Dopi 2003, zot té lèv in drapo "rézional", zordi dorénavan, sé lo drapo nout nasion lé an lèr ! In vré drapo nasional ...
05.11.07 - (WZ) Lo 5 novanm 2007, lavé 196 zan ban zesklav Sinlé, lavé levé po trap zot libèrté. Dan tan la, Larénion té sou la koup band zanglé. Nasion rénioné, lo Komité Eli, la fé in souvenas su 5 zour dan Sinlé. Koté la Pointe au sel, nasion rénioné, la mèt in pankart po rapèl anou nout listoir.
07.06.08 - (WZ) Bandna i ve galiz listoir po fé pas somin par andsu ... la pu respé po nout band zansèt ! Lo Lazaret sé in landroi espésial po nout listoit, par la minm in bonpé rénioné larivé par bato ... apré la mèt azot terla, na in pé lé mor, in bonpé la viv la soufrans. Nou pe pa lès fé ninport koué ek band landroi komsa ...
In sit web lo réso HB-RUN Sarl - Sosièté ek in kapital 1500 €
RCS Saint-Pierre B 488812207 - Siret 48881220700014 - APE 722C
214 chemin Boeuf - 97432 Ravine des Cabris - La Réunion
EK NOUT LANG ...
KREOL NOUT LANG NASIONAL
18.06.08 - (WZ] Léta fransé, lé pa la ek band lang "rézional" ... ankor moin ek nout kréol. Nou lé pa in rézion la Frans, nou sé in péi, i ve viv lib ... nou sé in nasion, nout lang, sé in lang nasional, la lang nout péi. Nout lang, lo kréol rénioné, sé la lang tout nout pèp, sé la lang tout band rénioné i koz partou, toultan ... sé la lang i koz lo plis dan tout nout péi ... nout lang lé pa in lang "minoritaire" !
LETA FRANSE LA DEPORT
1650 MARMAY RENIONE ...
20.06.08 - (WZ] Dan lo tan Debré, bandna la fé plin zafèr la kasièt anou, na in bonpé té konplis. Kan nou pans, la trap 1650 ti marmay, la anvoy dan la fré, domoun la abiz dosi zot ... la manti zot famy, la manti azot ... zot la perd tout, zot la perd zot famy, zot la perd zot péi, zot lang, zot kiltir. Sat zot la fé ek nout band marmay sé in krim kont nout pèp ... zordi léta fransé la pèr la vérité. In zour, pa zordi, pa domin ... tout sat zot la kasièt na savoir.
NOUT PEI PO "EXILE"
BAND PATRIOT VIETNAMIEN
21.06.08 - (WZ] La télé "vietnamienne" i viyn sort in gran film su listoir zot péi, an 60 morso, su lo band dernié roi, la rofiz plié sou band fransé dan tan. Sé po sa la trap azot la déport azot ... na 2, band fransé la anvoy azot Larénion, lavé Thành Than ek Duy Tân. Po Duy Tân son band zanfan, lé biyn koni dan nout péi, sé band Georges ek Claude Vinh San. La télé "vietnamienne" la dnu ziska Larénion po tourn lo film. La Frans la touzour anserv nout péi, san di anou, san mand anou !
DOVAN TRIBINAL LINDI
19.06.08 - (WZ] Band zandarm la manti, i di, prokirèr ek lo préfé la manti osi, i di, na politik la kouv lo zafèr osi. Si lé vré vréman, pokoué prokirèr ek lo préfé lé pa la osi. 14 zan apré la spasé, band zandarm i rotrouv azot tousèl dovan tribinal "aux assises" akoz zot la tir su in ga ek in fizi, zot lavé poin lo droi anservir dan in manifèstasion. I di osi, apré zot la kasièt lo fizi. Lo zafèr la spas, dan in manifèstasion dokèr dan Por, lo 7 mars 1994. Lo boug zordi, li la pid zié, li na doulèr partou, li la pid vi kom i di. Pandan 5 zour, nou esper bandna va di la vérité ... lé tan konprand sat la spasé, pokoué la spasé et pokoué la vouli kasièt la vérité.
NA LA MALADI PARTOU
18.06.08 - (WZ] Bèf i krèv, tout lé pouri andan i di, na moun lé mor, nana moun lé malad ... i di, lo lé ek la viand lé pi bon ... si lé vré vréman, zot lé an trin tié anou, si zot i lès boir lo lé é manz la viand ban bèf la ! I di minm, lo band bèf té sort déor té déza malad kan la rant Larénion. La di bandna té koné, zot la lès fèr ... si lé vré vréman, i fo la vérité i sort, i fo band responsab la i koz é i di sat zot i koné, i fo zot i di la vérité.
LO PRIMIE RENIONE
LE NE SU LA TER LARENION
BAND ZESKLAV SINLE
LA LEVE PO LA LIBERTE
EFAS NOUT LISTOIR
LISTOIR "LAZARETS"
